Türkiyə Kuboku: “Fənərbağça” 1/4 finala vəsiqə qazanıb
Bakı, 8 fevral, AZƏRTAC
Bu gün Türkiyə Kubokunda 1/8 final mərhələsinin növbəti oyunları keçirilib.
AZƏRTAC xəbər verir ki, ikinci oyun günündə üç qarşılaşma baş tutub.
"Fənərbağça" səfərdə "Qaziantep"lə qarşılaşıb. Görüş İstanbul nəhənginin 2:0 hesablı qələbəsi ilə yekunlaşıb.
Hesabı 17-ci dəqiqədə penaltidən Mişi Batşuayi açıb. Belçikalı hücumçu 31-ci dəqiqədə dubl edərək komandasını növbəti raunda çıxardıb.
Günün digər oyunlarında "Konyaspor" "Sivasspor"a 1:0, "İstanbul Başakşəhər" isə əsas və əlavə vaxtı 1:1 hesabı ilə bitən matçın penaltilər seriyasında "Hatayspor"a 3:2 qalib gələrək 1/4 finala vəsiqə qazanıb.
Qeyd edək ki, daha əvvəl "Qalatasaray", "Fatih Karagümrük" və "Ankaragücü" komandaları adlarını 1/4 finala yazdırıblar.
Bölmənin digər xəbərləri
