RƏSMİ XRONİKA
TÜRKİYƏ PREZİDENTİ ƏHMƏD NECDƏT SEZƏR ANKARADA AZƏRBAYCAN PREZİDENTİ HEYDƏR ƏLİYEVİ ZİYARƏT ETMİŞDİR
Mayın 10-da Türkiyə Respublikasının Prezidenti Əhməd Necdət Sezər Ankarada - Gülhanə Hərbi Tibb Akademiyasında Azərbaycan Respublikasının Prezidenti Heydər Əliyevi ziyarət etmişdir.
Cənab Əhməd Necdət Sezər Azərbaycan Prezidenti Heydər Əliyevi 80 illik yubileyi münasibətilə təbrik etdi, ona uzun ömür, cansağlığı arzuladı və tezliklə Vətənə qayıdacağına əmin olduğunu bildirdi.
Görüşdə Azərbaycan və Türkiyə arasında ikitərəfli münasibətlərə dair məsələlər müzakirə edildi, regionda və dünyada baş verən hadisələr haqqında fikir mübadiləsi aparıldı.
Səmimilik və dostluq şəraitində keçən görüşün sonunda Prezident Əhməd Necdət Sezər dövlətimzin başçısını ad günü münasibətilə bir daha təbrik edərək, Heydər Əliyevin liderliyi ilə Azərbaycana firavanlıq və yeni-yeni uğurlar dilədi.
Foto Rafiq Bağırovundur