TÜRKİYƏ QIŞ AYLARINDA AZƏRBAYCANDAN QAZ İDXALINI ARTIRACAQDIR
AZƏRTAC-ın xüsusi müxbiri Türkiyənin BOTAŞ şirkətinə istinadla xəbər verir ki, şirkətin rəhbərliyi, Energetika və Təbii Ehtiyatlar Nazirliyi Rusiya ilə gömrüklərdə yaranmış gərginliyin təbii qaz idxalına da təsir göstərəcəyindən ehtiyat edərək, Azərbaycandan gündəlik qaz idxalını 8 milyon kubmetrdən 12-15 milyon kubmetrə çatdırmağı planlaşdırır. Bu məsələ nazir Hilmi Gülərin Bakıya səfəri zamanı müzakirə olunacaqdır.
BOTAŞ şirkəti Silifki ərazisindəki qaz anbarlarına mavi yanacağın daha çox vurulmasına başlamışdır. Qış aylarında İrandan təbii qaz nəqlinin yenidən dayanacağı və Rusiyanın “Qazprom” şirkətinin əlavə qaz verməkdən imtina edəcəyi halda, tələbatın bu anbarlar və Azərbaycan qazı hesabına ödəniləcəyi bildirilir. Hazırda “Qazprom” Türkiyənin təbii qaza olan ehtiyacının 60 faizini təmin edir.
Bölmənin digər xəbərləri
