Azərbaycan Dövlət İnformasiya Agentliyi

DÜNYA

TÜRKİYƏ VƏ GÜRCÜSTAN ARASINDA HAVA YOLLARI İLƏ GEDİŞ-GƏLİŞ SADƏLƏŞDİRİLİR

01.10.2005 [13:38]
Çap et
A⁺ A^-

AZƏRTAC-ın xüsusi müxbiri xəbər verir ki, “Gürcüstan Hökuməti və Türkiyə Respublikası Hökuməti arasında hava nəqliyyatı sahəsində razılaşmalar”ın yeni layihəsi hazırlanmışdır. Burada hər iki ölkə arasında hava yolları ilə gediş-gəlişə azad rəqabət şəraiti yaradılması nəzərdə tutulur.

Yeni sənəd layihəsi Türkiyə və Gürcüstan mütəxəssisləri tərəfindən Tbilisidə hazırlanmışdır, hər iki hökumətin müvafiq strukturlarının rəhbərləri imza atdıqdan sonra qüvvəyə minəcəkdir.

Gürcüstan İqtisadi İnkişaf Nazirliyindən verilən məlumata görə, bu layihədə tariflərin, uçuşların sayının, təyin edilmiş hava daşımalarının və miqdarının, uçuş məntəqələrinin müəyyən edilməsi mexanizmində dəyişiklik olunacağı nəzərdə tutulur.