TÜRKİYƏ VƏ RUSİYA ARASINDA TİCARƏT PROTOKOLU İMZALANACAQDIR
AZƏRTAC-ın xüsusi müxbiri xəbər verir ki, İstanbulda Türkiyənin dövlət naziri Hayati Yazıçı və Rusiya Federal Gömrük Xidmətinin rəisi Andrey Belyaninov iki ölkə arasında ticarət əlaqələrinin genişləndirilmsinə dair hazırlanan protokolu müzakirə etmişlər.
Andrey Belyaninov jurnalistlərə açıqlamasında bildirmişdir ki, protokol Türkiyə hökuməti tərəfindən hazırlanır. Türkiyə mallarının Rusiya gömrüyüdən sadələşdirilmiş rejimdə keçməsini də təmin edəcək sənəd iki ölkə arasında ticarət dövriyəsinin artmasına səbəb olacaqdır.
Hayati Yazıçı isə bəyan etmişdir ki, Rusiya Türkiyə mallarının gömrükdən keçməsinə dair heç bir embarqo tətbiq etməmişdir. Onun sözlərinə görə, bu protokol gələn ay iki ölkənin hökumətləri tərəfindən imzalanacaqdır.
Bölmənin digər xəbərləri
