TÜRKİYƏ VƏTƏNDAŞLARININ ƏKSƏRİYYƏTİ AVROPA BİRLİYİNDƏ YAŞAMAQ İSTƏYİR
Sosioloqların məlumatına görə, Türkiyənin AB-yə daxil olmasını hazırda yerli vətəndaşların 57,4 faizi dəstəkləyir. Bu, ötənilki göstərici ilə müqayisədə 10 faiz azdır.
Sorğunun nəticələri göstərir ki, türklərin 18,2 faizi ölkənin AB-yə daxil olub-olmayacağına biganədir. Respondentlərin 10,3 faizi ölkənin vahid Avropaya üzvlüyünə qəti olaraq “Yox!” demişdir.
Hakim Ədalət və İnkişaf Partiyasının, müxalif Cümhuriyyət Xalq Partiyasının və kürdpərəst Xalq Demokratik Partiyasının tərəfdarları Ankaranın Avropa Birliyinə üzvlüyünü fəal dəstəkləyirlər. Lakin millətçi yönümlü partiyaların, ilk növbədə, ifrat sağ təmayüllü Millətçi Hərəkat Partiyasının tərəfdarları Türkiyənin Avrointeqrasiyasının qəti əleyhinədirlər. Bu partiyanın nümayəndələri bazar günü Ankarada “Rədd olsun Avropa Birliyi!” şüarı ilə kütləvi nümayiş keçirməyi planlaşdırırlar.
Bölmənin digər xəbərləri
