Türkiyədə ağır yol qəzası: 6 nəfər həlak olub, 20 yaralı var
Ankara, 18 oktyabr, AZƏRTAC
Oktyabrın 18-də səhər saatlarında Aksaray-Ankara trasında ağır yol qəzası baş verib.
AZƏRTAC xəbər verir ki, ilkin məlumata görə, Aksaray vilayətinin Acıpinar qəsəbəsi yaxınlığında avtobusun aşması nəticəsində 6 sərnişin həlak olub, 20 nəfər yaralanıb.
Nevşehir vilayətindən Kappadokiyaya hərəkət edən avtobusun sürücüsü məlum olmayan səbəbdən nəqliyyat vasitəsinin idarəetməsini itirib.
Aksaray vilayətinin valisi Mehmet Ali Kumbuzoğlu bildirib ki, avtobusda 44 sərnişin olub.
Hadisə yerinə təcili tibbi yardım maşınları və yanğınsöndürən briqadalar cəlb olunub.
Ramin Abdullayev
AZƏRTAC-ın xüsusi müxbiri
Ankara
Bölmənin digər xəbərləri
