Türkiyədə başlanan “Evdə qal!” rejimi bu dəfə 17 gün qüvvədə olacaq
Ankara, 29 aprel, AZƏRTAC
Türkiyədə yeni növ koronavirus infeksiyasına (COVID-19) qarşı mübarizə tədbirləri çərçivəsində aprelin 29-da qüvvəyə minən növbəti “Evdə qal!” rejimi tam qapanma şəraitində 17 gün fasiləsiz davam edəcək.
AZƏRTAC xəbər verir ki, budəfəki “Evdə qal!” rejimi Türkiyə vaxtı ilə 19:00-da (Bakı vaxtı ilə 20:00) başlayıb mayın 17-də yerli vaxtla saat 5:00-dək qüvvədə olacaq.
Qeyd edək ki, koronavirusa qarşı son aylar Türkiyədə tətbiq olunan “Evdə qal!” məhdudiyyəti bu dəfə ən uzunmüddətli rejim olacaq. Mayın 17-nə qədər yalnız fövqəladə əhəmiyyətli və gündəlik həyata dair son dərəcə zəruri xidmətlər fəaliyyət göstərəcək.
Sabir Şahtaxtı
AZƏRTAC-ın xüsusi müxbiri
Ankara
Bölmənin digər xəbərləri
