Türkiyədə əhalinin 27.5 faizini 17 yaşadək olan insanlar təşkil edir
Ankara, 17 aprel, AZƏRTAC
Türkiyə Respublikasında əhalinin 27.5 faizini 17 yaşadək olan insanlar təşkil edir. Hazırda bu göstəriciyə görə Türkiyə Avropa İttifaqı ölkələri ilə müqayisədə liderdir.
AZƏRTAC Türkiyə Statistika Təşkilatına istinadla xəbər verir ki, 2019-cu ilin sonunda ölkə əhalisinin ümumi sayı 83 milyon 154 min 997 nəfərə çatıb. On yeddi yaşadək insanların say göstərici 22 milyondan yuxarıdır. Məlumatda bildirilir ki, BMT-nin hesablamalarına görə, 1970-ci ildə ölkə əhalisinin 48.5 faizini 17 yaşadək olan insanlar təşkil etdiyi halda, hazırda həmin göstərici 27.5 faizidir.
Sabir Şahtaxtı
AZƏRTAC-ın xüsusi müxbiri
Ankara
Bölmənin digər xəbərləri
