TÜRKİYƏDƏ FACİƏLİ DƏMİR YOLU QƏZASI
Türkiyənin Baş naziri Rəcəb Tayyib Ərdoğan iyulun 23-nə Bosniya-Herseqovinaya nəzərdə tutulan səfərini təxirə salaraq, iyulun 22-də gecə hadisə yerinə getmişdir. Baş nazir iyulun 23-də Sakarya dövlət xəstəxanasında yaralılara baş çəkmişdir.
Faciə ilə bağlı xüsusi komissiya yaradılmışdır. Bəzi şahidlər qatarın həmin bölgədə nəzərdə tutulandan daha yüksək sürətlə hərəkət etdiyini bildirirlər. Türkiyə Dövlət Dəmir Yolları İdarəsinin səlahiyyətli şəxsləri isə qəzanın yüksək sürət nəticəsində baş verdiyi haqqındakı məlumatları təkzib edirlər. Qəzanın səbəbləri ilə bağlı araşdırmalar davam edir.
Azərbaycan Prezidenti İlham Əliyev faciə ilə əlaqədar Türkiyə Prezidenti Əhməd Necdət Sezərə başsağlığı teleqramı göndərmişdir.
