Türkiyədə terror təşkilatlarına qarşı başladılan növbəti əməliyyat ölkənin yarısını əhatə edir
İstanbul, 16 fevral, AZƏRTAC
PKK/KCK terror təşkilatının Türkiyə daxilində fəaliyyətinin qarşısının alınması məqsədilə ölkənin 40 vilayətində paralel əməliyyatlar başladılıb.
AZƏRTAC xəbər verir ki, bu barədə Türkiyənin Daxili İşlər Nazirliyindən bildirilib.
Məlumatda qeyd edilib ki, əməliyyatlar zamanı aralarında Xalqların Demokratik Partiyasının (HDP) şəhər və rayon rəhbərlərinin də olduğu 718 nəfər saxlanılıb. Bu şəxslərin ev və iş yerlərində aparılan axtarışlar zamanı çoxlu sayda silah-sursat, terror təşkilatına aid sənədlər və rəqəmsal materiallar ələ keçirilib.
Əməliyyatlar davam etdirilir.
Günel Məlikova
AZƏRTAC-ın xüsusi müxbiri
İstanbul
Bölmənin digər xəbərləri
