Türkiyədə və İraqın şimalında PKK-ya ağır zərbə vurulub
Ankara, 7 iyun, AZƏRTAC
Türkiyə təhlükəsizlik qüvvələrinin Tunceli vilayətinin Ovacık bölgəsində mayın 31-dən davam etdirdiyi antiterror əməliyyatları nəticəsində zərərsizləşdirilən terrorçuların sayı 6-ya çatıb.
AZƏRTAC xəbər verir ki, bu məlumatı Türkiyənin Daxili İşlər Nazirliyi yayıb. Bildirilir ki, aviasiyanın dəstəyi ilə keçirilən əməliyyatda məhv edilən terrorçular silahlı olublar.
Milli Müdafiə Nazirliyinin məlumatında isə deyilir ki, İraqın şimalındakı Avaşin bölgəsində 4 PKK terrorçusu məhv edilib.
Suriyanın Tel Abyad bölgəsində isə bomba yüklü motosikletlə mülki insanları hədəfə almağı planlaşdıran PKK/YPG terror təşkilatının üzvü yaralı olaraq Türkiyə hərbçiləri tərəfindən yaxalanıb.
Sabir Şahtaxtı
AZƏRTAC-ın xüsusi müxbiri
Ankara
Bölmənin digər xəbərləri
