Türkiyədəki müəssisələrin təxminən yarısının xidmət sektorunda fəaliyyət göstərdiyi məlum olub
İstanbul, 27 avqust, AZƏRTAC
Ötən il Türkiyədəki müəssisələrin 48,4 faizi xidmət, 31,6 faizi ticarət, 12,4 faizi isə sənaye sektorunda fəaliyyət göstərib. Xidmət sektoru ümumi məşğulluğun 41,2, sənaye sektoru isə 26,1 faizini təşkil edib.
AZƏRTAC xəbər verir ki, bu barədə Türkiyə Statistika Qurumunun 2025-ci il üçün açıqladığı sənaye və xidmət hesabatında bildirilir.
Məlumata əsasən, ötən il Türkiyədə aktiv müəssisələrin sayı 4 milyon 16 min 59, məşğulluğun sayı isə 20 milyon 122 min 817 nəfər olub. Ölkədə sektor üzrə ümumi dövriyyə 124,8, istehsalın dəyəri isə 71,4 trilyon lirə təşkil edib.
Ən yüksək istehsal dəyəri 27,9 trilyon lirə ilə emal sənayesində qeydə alınıb.
Günel Karatepe
AZƏRTAC-ın xüsusi müxbiri
İstanbul
Bölmənin digər xəbərləri
