TÜRKİYƏNİN BAŞ NAZİRİ RƏCƏB TAYYİB ƏRDOĞAN ANKARADA AZƏRBAYCAN PREZİDENTİ HEYDƏR ƏLİYEVİ ZİYARƏT ETMİŞDİR
Türkiyənin baş naziri Rəcəb Tayyib Ərdoğan, habelə baş nazirin müavini, xarici işlər naziri Abdullah Gül mayın 10-da Ankarada - Gülhanə Hərbi Tibb Akademiyasında Azərbaycan Respublikasının Prezidenti Heydər Əliyevi ziyarət etmişlər.
Cənab Rəcəb Tayyib Ərdoğan Prezident Heydər Əliyevi yubileyi münasibətilə səmimi qəlbdən təbrik etdi, ona uzun ömür, möhkəm cansağlığı, dost və qardaş Azərbaycanın tərəqqisi naminə fəaliyyətində daha böyük uğurlar arzuladı.
Baş nazir və xarici işlər naziri Azərbaycan Prezidentinin səhhətinin yaxşı olmasından, onu gümrah görmələrindən məmnun qaldıqlarını söylədilər.
Prezident Heydər Əliyev xoş sözlərə, ona göstərilən hörmət və ehtirama görə təşəkkür etdi.
Daha sonra təklikdə davam etdirilən söhbətdə ölkələrimizi maraqlandıran bir sıra məsələlər barədə fikir mübadiləsi aparıldı.
Foto Rafiq Bağırovundur
Bölmənin digər xəbərləri
