TÜRKİYƏNİN DAĞLIQ BÖLGƏLƏRİNDƏ QIŞ FƏSLİ ERKƏN BAŞLAMIŞDIR
AZƏRTAC-ın xüsusi müxbirinin Ankaradan verdiyi xəbərə görə, Türkiyənin Bolu vilayətinin dağlıq bölgələrinə və Bursa vilayətinin Uludağ rayonuna bu ilin ilk qarı yağmışdır. Burada qar örtüyünün qalınlığı 5 santimetrə çatmış, temperatur mənfi 1-2 dərəcəyə düşmüşdür. Türkiyənin məşhur qış turizm, tətil və istirahət zonaları olan Qartalqaya və Uludağda qarın erkən yağması ilə əlaqədar bura mehmanxana sahibləri və ölkədəki turizm şirkətləri qış turizm mövsümünü hər il olduğu kimi, dekabr ayında deyil, noyabrda açacağını bildirmişlər. Dağ turizm-istirahət bölgələrində erkən qış turizm mövsümünün açılması üçün hazırlıq görülür.
