Türkiyənin Hərbi Hava Qüvvələri İraqın şimalında 17 terrorçunu məhv edib
Ankara, 21 sentyabr, AZƏRTAC
Türkiyə ordusunun İraqın şimalında terrorçulara qarşı hava zərbələri nəticəsində sentyabrın 17-dən 18-dək 17 yaraqlı zərərsizləşdirilib.
Bu barədə AZƏRTAC Türkiyə Milli Müdafiə Nazirliyinin mətbuat xidmətinə istinadla xəbər verir.
Nazirliyin məlumatına görə, İraqın Qara bölgəsində 8, Qəndil dağı ərazisində 5, Hakurqada isə daha 4 terrorçu məhv edilib.
“Türkiyə ordusu silahlıları öz baza ərazilərində məhv etmək üçün qəfil hücumlar həyata keçirməyə davam edəcək”, - deyə nazirlik vurğulayıb.
Daha öncə Ankara bildirmişdi ki, ilin əvvəlindən Türkiyə ordusu İraqın şimalında və Suriyada 2 mindən çox terrorçunu zərərsizləşdirib.
Ramin Abdullayev
AZƏRTAC-ın xüsusi müxbiri
Ankara
Bölmənin digər xəbərləri
