TÜRKİYƏNİN RUSİYA TƏBİİ QAZINDAN ASILILIĞI ARTMIŞDIR

31.10.2006 [14:28]
Çap et
A⁺ A^-

AZƏRTAC-ın xüsusi müxbiri xəbər verir ki, cari ildə Türkiyənin təbii qaz idxalında Rusiyanın payı artaraq 63,7 faizə çatmışdır. Kifayət qədər baha başa gələn bu asılılığın azaldılmasında Ankara ilin sonunda istifadəyə veriləcək Bakı-Tbilisi-Ərzurum boru kəməri ilə idxal olunacaq Azərbaycan qazına böyük ümidlər bəsləyir.

Bu arada Avropa ölkələrinin də Rusiya təbii qazından asılılığı xeyli artmışdır. Belə ki, Almaniyada bu rəqəm 37,8 faiz, Yunanıstanda 79,1 faiz, Finlandiya və Baltikyanı ölkələrdə isə 100 faiz təşkil edir. Yalnız Belçika təbii qaz ehtiyaclarının cəmi 1 faizini Rusiyadan olan idxal hesabına ödəyir. Ümumilikdə, Avropanın “mavi yanacağ”a olan ehtiyacının 51,3 faizini “Qazprom” şirkəti təmin edir. Qalan hissə isə Norveç və Əlcəzairin payına düşür.

Avropa və Türkiyənin enerji ekspertləri bu asılılığın yaxın zamanlarda azalacağında Nabuko layihəsinin rolunu da dəyərləndirməklə yanaşı, Orta Asiyadan təbii qaz idxalında hələ də ciddi problemlərin olduğunu bildirirlər.

TÜRKİYƏNİN RUSİYA TƏBİİ QAZINDAN ASILILIĞI ARTMIŞDIR

MÜƏLLİFLƏ ƏLAQƏ

Bölmənin digər xəbərləri