ÜÇÜNCÜ İXTİSAS QRUPU ABİTURİYENTLƏRİ DƏ İMTAHAN VERMİŞLƏR
Tələbə Qəbulu üzrə Dövlət Komissiyasının ictimaiyyətlə əlaqələr bölməsindən AZƏRTAC-a bildirmişlər ki, iyulun 28-də növbəti dərs ili üçün üçüncü ixtisas qrupu abituriyentlərinin respublikanın ali məktəblərinə qəbul imtahanı keçirilmişdir. İmtahanda 27.051 nəfər (Bakı şəhərində 25.633 nəfər, Naxçıvan şəhərində isə 1418 nəfər) iştirak etmişdir. Bilik yarışında 10.046 nəfər oğlan, 17005 nəfər isə qız öz bacarığını sınamışdır. Abituriyentlərdən 19.658 nəfəri bu ilki məzunlardır. İmtahanın keçirilməsi üçün Bakı şəhərində 60, Naxçıvanda isə 3 bina ayrılmışdır. Bakı və Sumqayıt şəhərlərindəki orta məktəblərdən 2065 müəllim imtahana nəzarət etmişdir. Respublikanın 181 nəfər qabaqcıl mütəxəssisi və alimi imtahana rəhbərlik etmişdir.
Bütün ixtisas qrupları üzrə imtahanın nəticələri avqustun ilk ongünlüyündə elan olunacaqdır. Nəticələr “Abituriyent” jurnalında çap olunacaq və Tələbə Qəbulu üzrə Dövlət Komissiyasının İnternet səhifəsində yerləşdiriləcəkdir.
Bölmənin digər xəbərləri
