UKRAYNA – NATO: YÜKSƏK SƏVİYYƏDƏ DİALOQ
Y.Sxeffer Ukraynanın Avratlantika İttifaqına inteqrasiya istiqamətində uğurlu addımlalr atdığını vurğulamışdır.
Prezident L.Kuçma Y.Sxefferi NATO-nun baş katibi təyin olunması münasibətilə təbrik etmiş və bu quruma daha yeddi ölkənin qoşulmasını alqışlamışdır. O, Ukrayna ilə Şimali Atlantika İttifaqı arasında fəal əməkdaşlığın daha da inkişaf etdiriləcəyinə ümid bəslədiyini bildirmişdir.
Görüşdə NATO-nun baş katibi Dnestryanı bölgə ilə bağlı məsələnin nizama salınmasında Ukraynanın mövqeyi ilə də maraqlanmışdır. L.Kuçma vurğulamışdır ki, bu məsələnin qəti həllində bütün tərəflərin mənafeləri və Moldovanın ərazi bütövlüyünün qorunub saxlanması maksimum ölçülüb-biçilmiş şəkildə nəzərə alınmalıdır.
Tərəflər NATO-nun əməliyyatları və təlimləri zamanı Ukraynanın strateji aviasiyasından istifadə edilməsi haqqında Kiyevlə memorandum imzalanması məsələsinə də toxunmuşlar.
Bölmənin digər xəbərləri
