UKRAYNA PREZİDENTİ VİKTOR YUŞŞENKO DEMİŞDİR Kİ, PARLAMENTİ İSTEFAYA GÖNDƏRƏ BİLƏR
AZƏRTAC-ın xüsusi müxbiri xəbər verir ki, sentyabrın 3-də Ukrayna Prezidenti Viktor Yuşşenko jurnalistlərə bildirmişdir ki, Ali Radada de-fakto yeni parlament koalisiyası yaranmışdır.
Dövlət başçısının sözlərinə görə, Yuliya Timoşenkonun Bloku Regionlar Partiyası ilə ittifaqa girmişdir. Bu ittifaq Ukraynanın maraqlarına əsaslanmır.
Elə həmin gün Prezident Yuşşenko televiziya ilə müraciətində bildirmişdir ki, Radada baş verən hadisələri parlamentdə demokratik koalisiyanın fəaliyyətini dayandırması kimi qiymətləndirir. O vurğulamışdır ki, qanunda nəzərdə tutulan vaxt bitənədək (30 gün) yeni parlament koalisiyası yaradılmazsa, o, özünün Konstitusiya hüququndan istifadə edərək, Ali Radanı buraxacaqdır.
Bölmənin digər xəbərləri
