Ukraynada koronavirusa tutulan xəstələrin sayı 5 min nəfəri ötüb
Kiyev, 18 aprel, AZƏRTAC
Ukraynada koronavirusa tutulan xəstələrin sayı 5 min nəfəri ötüb. AZƏRTAC ölkənin Səhiyyə Nazirliyinə istinadla xəbər verir ki, son sutkada ölkədə 444 nəfər koronavirusa yoluxub. Bununla da Ukraynada koronavirusa tutulanların sayı 5106 nəfərə çatıb.
Ukraynada son sutkada 8 nəfər ölüb. Ümumilikdə, koronavirusdan ölənlərin sayı 133 nəfərə çatıb. Ölənlərin 85 faizində ürək-damar xəstəlikləri, şəkərli diabet, böyrək çatışmazlığı kimi xəstəliklər olub. 275 nəfər tam müalicə olunaraq evlərinə buraxılıb.
Ukraynada koronavirusa yoluxanların 60 faizi 30-59, 20,7 faizi isə 60-100 yaşlı insanlardır.
Qeyd edək ki, ölkədə aprelin 24-dək bütün beynəlxalq uçuşlar dayandırılıb, karantin elan edilib.
Emil Hüseynli
AZƏRTAC-ın xüsusi müxbiri
Kiyev
Bölmənin digər xəbərləri
