UKRAYNADA PARLAMENT SEÇKİLƏRİ: LİDERLƏR ÜÇLÜYÜ MÜƏYYƏN EDİLİR
AZƏRTAC-ın xüsusi müxbiri xəbər verir ki, martın 27-də günortayadək Ukrayna Mərkəzi Seçki Komissiyası seçici bülletenlərinin 15,67 faizini hesablamışdır. Regionlar Partiyası 24,62 faiz, Yuliya Timoşenkonun bloku 23,79 faiz, “Naşa Ukraina” bloku 17,6 faiz səs toplamışdır.
Seçkilərin ilkin rəsmi nəticələri martın 28-də elan olunacaqdır. Bunu MSK-nın sədri Yaroslav Davıdoviç bildirmişdir.
Xatırladaq ki, Milli Məclisin deputatları Eldar İbrahimov, Qənirə Paşayeva, Səyavuş Novruzov, Fərrux Zeynalov, habelə Azərbaycan Mərkəzi Seçki Komissiyasının katibi Natiq Məmmədov seçkiləri beynəlxalq müşahidəçilər kimi izləmişlər.
Bölmənin digər xəbərləri
