Ukraynada qeyri-sabit hava şəraiti nəticəsində 5 nəfər ölüb, 19 nəfər xəsarət alıb
Kiyev, 28 noyabr, AZƏRTAC
Ukraynada qeyri-sabit hava şəraiti nəticəsində ölən və yaralananlar var. Pis havanın qurbanlarının əksəriyyəti Odessa vilayətindədir.
AZƏRTAC xəbər verir ki, bu barədə Ukrayna Prezidenti Volodimir Zelenski videomüraciətində məlumat verib.
Dövlət başçısı pis hava şəraitinə görə insan itkisinə yol verməmək üçün yerlərdə maksimum səy göstərməyin vacibliyini vurğulayıb.
“Təəssüf ki, bu günə kimi 5 nəfər ölüb. Onların əksəriyyəti Odessa vilayətindəndir. Onların ailəsinə və yaxınlarına başsağlığı verirəm”, - deyə Zelenski bildirib.
Bundan əlavə, təbii fəlakət nəticəsində ən azı 19 nəfərin xəsarət aldığı bildirilir. Onlara tibbi yardım göstərilib.
Zelenski həmçinin xəbərdarlıq edib ki, siklonun episentri hazırda ölkənin şimal bölgələrinə doğru hərəkət edir.
Emil Hüseynli
AZƏRTAC-ın xüsusi müxbiri
Kiyev
Bölmənin digər xəbərləri
