Ukraynada raket zərbəsi nəticəsində 6 nəfər həlak olub
Kiyev, 28 aprel, AZƏRTAC
Aprelin 28-də gecə saatlarında Rusiya qoşunları Tu-95 strateji aviasiya təyyarələri ilə Ukrayna ərazisinə hücum ediblər.
Bu barədə AZƏRTAC Ukrayna Silahlı Qüvvələri Hərbi Hava Qüvvələrinin teleqram kanalına istinadla xəbər verir.
Hərbi Hava Qüvvələrinin zenit-raket qoşunlarının bölmələri tərəfindən 23 ədəd Х-101/Х-555 qanadlı raketindən 21-i zərərsizləşdirilib. Hədəflər “Mərkəz”, “Şərq” və “Cənub” hava komandanlıqlarının cavabdeh olduqları zonada məhv edilib. Lakin Rusiya raketləri yenə də yaşayış binalarına zərər verib. Onlardan ikisi üç çoxmərtəbəli binaya düşüb. Səhər saat 9-a olan məlumata görə, sakinlərdən 4-ü həlak olub, 8-i isə yaralanıb. Bundan başqa, Dneprdə üçyaşlı uşaq ilə bir qadın da həyatını itiriblər. Həmçinin Kiyev vilayətinin Ukrainka qəsəbəsində raket hücumu nəticəsində iki nəfər yaralanıb. Ərazidə polislər və xilasedicilər işləyirlər.
Emil Hüseynli
AZƏRTAC-ın xüsusi müxbiri
Kiyev
Bölmənin digər xəbərləri
