Ukraynada sərt karantin rejimi dövrü ilə müqayisədə koronavirusa yoluxma iki dəfə artıb
Kiyev, 29 yanvar, AZƏRTAC
Ukraynada sərt karantin rejimi bitəndən sonra koronavirusa yoluxanların sayı iki dəfə artıb.
AZƏRTAC xəbər verir ki, ölkənin səhiyyə naziri Maksim Stepanov bildirib ki, Ukraynada son sutkada 5181 nəfər yeni koronavirusa yoluxub, 128 nəfər bu virusdan həyatını itirib, 1916 nəfər xəstəxanaya yerləşdirilib.
Son sutkada koronavirusa yoluxmalar Lvov, İvano-Frankovsk, Kiyev vilayətlərində qeydə alınıb.
Yanvarın 28-nə olan vəziyyətə görə, Ukraynada 1 milyon 211 min 593 yoluxma faktı təsdiqlənib. Xəstələnənlərdən 1 milyon 3 min 340 nəfər müalicə olunaraq sağalıb. Pandemiya dövründə koronavirusdan ölənlərin sayı 22 min 479 nəfərdir.
Qeyd edək ki, Ukraynada sərt karantin dövrünün sonlarında koronavirusa sutkalıq yoluxma 2516 nəfər olub.
Emil Hüseynli
AZƏRTAC-ın xüsusi müxbiri
Kiyev
Bölmənin digər xəbərləri
