Ulu Öndər Heydər Əliyevin 100 illik yubileyi ilə əlaqədar ağacəkmə kampaniyası davam edir
Bakı, 26 aprel, AZƏRTAC
Elm və Təhsil, Ekologiya və Təbii Sərvətlər nazirliklərinin təşkilatçılığı ilə Ulu Öndər Heydər Əliyevin 100 illik yubileyi ilə əlaqədar ağacəkmə kampaniyası davam edir.
Elm və Təhsil Nazirliyindən AZƏRTAC-a bildirilib ki, kampaniya çərçivəsində Lənkəran rayonu üzrə 500, Astara rayonu üzrə 1096 və Lerik rayonu üzrə isə 396 ağac tingi əkilib.
Qeyd edək ki, kampaniya çərçivəsində Bakı şəhəri ilə yanaşı, digər bölgələrdə yerləşən təhsil müəssisələrində ümumilikdə 100 min ağacın əkilməsi nəzərdə tutulur.
Bölmənin digər xəbərləri
