Ülvi Mehdiyev: İdarəetmə ilə bağlı təlimlər "ASAN xidmət"in ayrılmaz sahələrindən biridir
Bakı, 25 noyabr, AZƏRTAC
“On bir il ərzində "ASAN xidmət"in ayrılmaz sahələrindən biri də təlimlər, treninqlərdir. Birbaşa idarəetmə ilə bağlı təlimlər keçirilir. Bu da bizə "ASAN xidmət" qarşısında qoyulan vəzifələrin öhdəsindən gəlməyə çox böyük fayda verir”.
AZƏRTAC xəbər verir ki, bunu Azərbaycan Respublikasının Prezidenti yanında Vətəndaşlara Xidmət və Sosial İnnovasiyalar üzrə Dövlət Agentliyinin sədri Ülvi Mehdiyev Ümummilli Lider Heydər Əliyevin 100 illik yubileyinə həsr olunmuş "Peşəkar 100 il" İdarəçilik Marafonunun açılış mərasimində deyib.
"Biz düşünürük ki, digər təşkilatlara, istər özəl, istərsə də dövlət qurumlarına müxtəlif təlimlər keçirilə və təcrübə paylaşımı edilə bilər. Çünki bu illər ərzində "ASAN xidmət" istər dövlətdaxili təşkilat və qurumlara, eyni zamanda, bizimlə əməkdaşlıq edən digər qurumların aidiyyəti strukturlarına müxtəlif təlimlər təşkil etməklə ASAN təcrübəsinin paylaşılmasına səbəb olub", - deyə Ü.Mehdiyev qeyd edib.
Bölmənin digər xəbərləri
