ÜMUMMİLLİ LİDER HEYDƏR ƏLİYEVİN XATİRƏSİNƏ HƏSR OLUNMUŞ MİNİ-FUTBOL TURNİRİNİN QALİBİ MƏLUM OLMUŞDUR
AZƏRTAC xəbər verir ki, mayın 10-da “Şəfa” stadionunun süni örtüklü meydançasında ümummilli lider Heydər Əliyevin anadan olmasının 84-cü ildönümü münasibətilə Yeni Azərbaycan Partiyası gənclər təşkilatının mərkəzi aparatını, Sumqayıt şəhər və rayon şöbələrini təmsil edən komandalar arasında mini-futbol turnirinə yekun vurulmuşdur.
Turnirin finalında YAP Sabunçu və Əzizbəyov rayon gənclər təşkilatlarının komandaları qarşılaşmışlar. Gərgin keçən görüşün əsas vaxtı 4:4 hesabı ilə başa çatmışdır. Qalibi müəyyən etmək üçün qapılara təyin olunan 11 metrlik cərimə zərbələrini daha dəqiq yerinə yetirən Sabunçu futbolçuları xatirə turnirinin qalibi olmuşlar.
Üçüncü yerə isə YAP Yasamal rayon gənclər təşkilatının futbolçuları çıxmışlar.
Oyundan sonra Yeni Azərbaycan Partiyası sədrinin müavini, partiyanın icraçı katibi, Milli Məclisin deputatı Əli Əhmədov, yarışa dəstək verən “İnter” futbol klubunun prezidenti Georgi Nikolov turnirin ümummilli liderin xatirəsinə layiq keçdiyini vurğulamış, yarışın ulu öndərin əziz xatirəsinə dərin ehtiramın təzahürü olduğunu bildirmişlər.
Komandalara kubok, diplom və pul mükafatları verilmişdir. Bundan əlavə turnirdə fərqlənmiş futbolçular - Siyavuş Novruzov ən gözəl qolun müəllifi, Faiq Hacıyev ən çox qol vuran, Rəşad Rufullayev isə ən yaxşı qapıçı nominasiyaları üzrə xüsusi mükafatlara layiq görülmüşlər.
Bölmənin digər xəbərləri
