ÜMUMMİLLİ LİDER HEYDƏR ƏLİYEVİN XATİRƏSİNƏ HƏSR OLUNUR
Turnirin açılış mərasimində yeniyetmə idmançılar əvvəlcə Heydər Əliyevin zavodun qarşısında ucaldılmış abidəsi önünə tər çiçək dəstələri düzərək, ulu öndərin əziz xatirəsini anmışlar.
ARDNŞ-in prezidenti Rövnəq Abdullayev çıxışında turnir iştirakçılarına uğurlar arzulayaraq, idmanın gələcək nəslin təlim-tərbiyəsində, sağlamlığında oynadığı rolu vurğulamış, yeniyetmə futbolunu inkişaf etdirmək üçün başçılıq etdiyi qurumun imkanlarından lazımi səviyyədə istifadə olunacağını bildirmişdir.
“Məşəl” İdman Klubu turnir iştirakçılarına idman geyimləri hədiyyə etmişdir.
Qeyd edək ki, turnirə mayın 10-da - ümummilli liderimizin doğum günündə yekun vurulacaqdır. Final qarşılaşmasını AFFA hakimləri idarə edəcəklər. Qaliblər “Neftçi” komandasının üzvləri, “Məşəl” idman klubu və Heydər Əliyev adına Bakı Neft Emalı zavodunun nümayəndələri tərəfindən mükafatlandırılacaqdır.
Bölmənin digər xəbərləri
