UNEC-in müəllim və tələbələri üçün beynəlxalq məlumat bazasına çıxış imkanı
Bakı, 18 aprel, AZƏRTAC
Azərbaycan Dövlət İqtisad Universitetinin (UNEC) müəllim və tələbələri dünyanın aparıcı 10 beynəlxalq məlumat bazasına və elektron kitabxanaya çıxış imkanı əldə edib.
UNEC-dən AZƏRTAC-a bildirilib ki, istifadəçilər mərkəzi axtarış sisteminə daxil olmaqla lazım olan resurslar üzrə axtarış edə biləcəklər. Burada elektron kitabları onlayn oxumaq, həm də beynəlxalq elmi jurnallarda dərc edilmiş məqalələrlə tanış olmaq mümkündür.
Sorğu üzrə nəticələri tam şəkildə əldə etmək üçün UNEC Kitabxana İnformasiya Mərkəzinin e-mail ünvanına [email protected] müraciət etmək olar. Müraciətlər dərhal cavablandırılacaq.
Onlayn xidmət ADA Universitetinin kitabxanası ilə UNEC Kitabxana İnformasiya Mərkəzinin qarşılıqlı əməkdaşlıq memorandumu əsasında elektron kitabxanalararası abonement vasitəsilə həyata keçirilir.
Bölmənin digər xəbərləri
