UŞAQ VƏ AİLƏLƏRƏ DƏSTƏK MƏRKƏZİNDƏ BİLİK GÜNÜ QEYD EDİLMİŞDİR
AZƏRTAC xəbər verir ki, sentyabrın 3-də Ailə, Qadın və Uşaq Problemləri üzrə Dövlət Komitəsinin Şüvəlan qəsəbəsində yerləşən Uşaq və Ailələrə Dəstək Mərkəzində 15 sentyabr - Bilik gününə hazırlıqla bağlı tədbir keçirilmişdir.
Son illər ölkənin təhsil sistemində əldə olunan nailiyyətlər barədə məlumat verən komitənin sədri Hicran Hüseynova bildirmişdir ki, bu sahədə yeni qanun və dövlət proqramları qəbul edilmiş, beynəlxalq təşkilatlar və yerli QHT-lərlə əməkdaşlıq çərçivəsində bir sıra layihələr həyata keçirilmişdir. Heydər Əliyev Fondunun təşəbbüsü ilə son 3 ildə 34 min 40 şagird yerlik 184 yeni məktəb inşa edilmiş, 37 məktəb əsaslı təmir olunmuşdur. Qeyd edilmişdir ki, dövlət uşaq siyasətinin başlıca məqsədi sosial vəziyyətindən asılı olmayaraq bütün uşaqların hüquqlarının bərabər təmin olunması, onların tərbiyəsi üçün hər cür şəraitin yaradılmasıdır.
Tədbirdə xüsusi qayğıya ehtiyacı olan uşaqlara hədiyyələr, məktəb ləvazimatları və əlil arabaları təqdim olunmuşdur.
Mərkəzdə reabilitasiya olunan uşaqlar konsert proqramı ilə çıxış etmişlər.
Bölmənin digər xəbərləri
