“UŞAQLAR NAMİNƏ QİÇS-Ə QARŞI BİRLƏŞİN” AKSİYASI KEÇİRİLMİŞDİR

03.06.2006 [12:26]
Çap et
A⁺ A^-

AZƏRTAC xəbər verir ki, iyunun 2-də Bakı Biznes Mərkəzində Azərbaycan Respublikası Gənclər Təşkilatları Milli Şurası (ARGTMŞ) və YUNİSEF 1 iyun - Uşaqları Beynəlxalq Müdafiə Gününə həsr olunmuş “Uşaqlar naminə QİÇS-ə qarşı birləşin” adlı aksiya keçirmişlər.

Təəssüflə qeyd edilmişdir ki, pandemiya ilə aparılan 20 illik mübarizəyə baxmayaraq, hazırda 55 milyon insan bu virusun daşıyıcısıdır.

BMT-nin Uşaq Fondunun proqram əlaqələndiricisi Gillian Koksun sözlərinə görə, Avropada bu xəstəliyə yoluxanların sayı ilbəil artır. Azərbaycanda həyata keçirilən tədbirlər qənaətbəxş olsa da, hələ çox iş görülməlidir.

Aksiya iştirakçıları uşaqların hazırladıqları və içərisində yanan şamlar olan rəngli fənərləri dənizə buraxaraq, QİÇS qurbanlarının xatirəsini anmışlar.

Tədbirdə Milli Məclisin deputatları, respublikamızın tanınmış incəsənət ustaları iştirak etmişlər.