Ustad ağır atletlər arasında Azərbaycan çempionatı keçirilib
Bakı, 11 fevral, AZƏRTAC
Şüvəlan qəsəbəsindəki Ağır Atletika Akademiyasında ustad ağır atletlər arasında Azərbaycan çempionatı keçirilib.
Azərbaycan Ağır Atletika Federasiyasından AZƏRTAC-a bildiriblər ki, yarışda müxtəlif yaşda olan atletlər medallar uğrunda mübarizə aparıblar. Qaliblər Sinkleyr və Manone-Meltzer cədvəlinə əsasən müəyyən ediliblər.
Yarışda qızıl medala 71 yaşlı Vladimir Jilyayev sahib olub. O, toplam 160 kiloqram (70+90) nəticə və 369,30 xalla fəxri kürsünün ən yüksək pilləsinə qalxıb. Sonrakı yerləri müvafiq olaraq, 225 kiloqram (102+123) nəticə və 345,16 xalla Zəfər Tağıyev, toplam 265 kiloqram (120+145) nəticə və 339,55 xalla Namiq Cəmilov tutublar.
Bölmənin digər xəbərləri
