Vakant dövlət qulluğu vəzifələri üzrə müsahibədə indiyədək 358 nəfər uğur qazanıb
Bakı, 16 yanvar, AZƏRTAC
Ümumilikdə 46 dövlət orqanında 379 vakant vəzifənin (B növü üzrə) tutulması üçün Dövlət İmtahan Mərkəzi (DİM) tərəfindən ötən il avqustun 5-də elan olunmuş müsabiqə üzrə müsahibə davam edir.
AZƏRTAC DİM-in yanvarın 16-sı saat 11:10-a olan göstəricilərinə əsasən xəbər verir ki, müsahibədə 358 nəfər uğur qazanıb. Onlardan 194-ü Təhsil Nazirliyində, 33-ü Dövlət Statistika Komitəsində, 25-i Bakı şəhəri Yasamal Rayon Məhkəməsində, 20-si Maliyyə Nazirliyində, yerdə qalanlar isə digər dövlət orqanlarında müxtəlif vəzifələrə uyğun bilinib.
Qeyd edək ki, müsahibədə iştirak üçün 5304 nəfər sənəd verib. Müsahibə yanvarın 29-da başa çatacaq.
Bölmənin digər xəbərləri
