VARŞAVADA KORRUPSİYAYA QARŞI MÜBARİZƏ İLƏ BAĞLI XÜSUSİ SESSİYA KEÇİRİLMİŞDİR
Sessiyaya Azərbaycan, Rusiya, Albaniya, Bosniya və Herseqovina, Bolqarıstan, Gürcüstan, Latviya, Rumıniya və s. ölkələrin nümayəndələri iştirak etmişlər.
Azərbaycan Respublikası Sahibkarlar (İşəgötürənlər) Təşkilatları Milli Konfederasiyasından (ASK) AZƏRTAC-ın müxbirinə bildirmişlər ki, tədbirdə korrupsiyanın mahiyyəti və onun sahibkarlıq fəaliyyətinə mənfi təsiri barədə məlumat verilmişdir. Mərkəzi və Şərqi Avropada, həmçinin MDB ölkələrində korrupsiyaya qarşı mübarizədə sahibkarların rolunun əhəmiyyətindən danışılmış, bu sahədə ümumi iş birliyinin yaradılmasının vacibliyi vurğulanmışdır.
ASK-nın prezidenti Ələkbər Məmmədov “Korrupsiyanın mahiyyəti və Azərbaycanda korrupsiyaya qarşı mübarizədə sahibkarlar təşkilatlarının rolu” mövzusunda çıxış etmişdir.
Bölmənin digər xəbərləri
