Vatsap istifadəçilərə qrup çatlarında yeni funksiya təqdim edəcək
Bakı, 9 fevral, AZƏRTAC
Vatsap mesencerində istifadəçilərə qrup çatlarında zəngləri planlaşdırmaq imkanı təklif edən funksiya hazırlayır.
AZƏRTAC xəbər verir ki, bu barədə “WABetaInfo” portalı məlumat yayıb.
Məlumata görə, bu funksiya ilə zəngin adını, tarixini və vaxtını seçmək mümkün olacaq. Bundan əlavə, onun iştirakçıları zəngin yaradılması və onun başlanması barədə bildirişlər alacaqlar.
Yenilik “Android”də mesencerin beta versiyasında mövcud olacaq. Bu funksiyanın nə vaxt hər kəs üçün əlçatan olacağı barədə hələlik məlumat verilmir.
Bölmənin digər xəbərləri
