Vətəndaşların yaşadıqları yeri tərk etmələrinə hansı hallarda yol veriləcək?
Bakı, 19 iyun, AZƏRTAC
Baş Nazir Əli Əsədovun imzaladığı Qərara əsasən, Bakı, Sumqayıt, Gəncə, Lənkəran, Yevlax, Masallı, Cəlilabad şəhərlərinin və Abşeron rayonunun ərazisində sərtləşdirilmiş xüsusi karantin rejimi dövründə - 2020-ci il 21 iyun saat 00:00-dan 5 iyul saat 06:00-dək bir sıra hallarda vətəndaşların yaşayış yerini və olduğu yeri tərk etmələrinə yol veriləcək.
AZƏRTAC xəbər verir ki, təxirəsalınmaz tibbi zərurətlə və hər hansı bir qrafik üzrə müalicə almaqla, ərzaq və digər gündəlik tələbat mallarının, habelə dərman vasitələrinin alınması, dövlət xidmətlərindən, bank, poçt və fəaliyyətinin davam etdirilməsinə icazə verilən iş və xidmət sahələrində göstərilən digər xidmətlərdən istifadə edilməsi zərurəti ilə, həmçinin açıq havada vaxtın keçirilməsi, yaxın qohumunun dəfnində iştirakla əlaqədar vətəndaşların yaşayış yerini və olduğu yeri tərk etmələri mümkün olacaq.
Bölmənin digər xəbərləri
