“Vikipediya”da Əli Tudə haqqında məqalə zənginləşdirilib
Bakı, 1 fevral, AZƏRTAC
Müasir Azərbaycan şeirinin yaradıcılarından biri, 75 illik ömrünün 50 ildən çoxunu milli poeziyanın inkişafına həsr edən, Azərbaycan Yazıçılar Birliyinin üzvü, Əməkdar incəsənət xadimi Əli Tudənin 100 illik yubileyidir. Bununla bağlı Azərbaycan Milli Elmlər Akademiyasının Nizami Gəncəvi adına Ədəbiyyat İnstitutunun könüllü “Vikipediya” qrupunun əməkdaşı Nigar İsayeva tərəfindən “Vikipediya”nın Azərbaycan dili bölməsində şair haqqında məlumatlar əsaslı redaktə olunaraq zənginləşdirilib.
Ədəbiyyat İnstitutundan AZƏRTAC-a bildirilib ki, məqalədə oxuculara şairin həyatı, fəaliyyəti və yaradıcılığı haqqında ətraflı məlumat verilir.
Qeyd edək ki, könüllü qrup Azərbaycan və Türk dünyasını görkəmli ədibləri, yazarları haqqında məqalələrin yaradılmasını və zənginləşdirilməsini diqqətdə saxlayır.
AMEA-nın Rəyasət Heyəti aparatının “Elektron Akademiya” şöbəsinin təşkilatçılığı ilə akademiyanın əməkdaşları könüllü şəkildə “Vikipediya” təlimlərində iştirak edirlər. Təlimlərin keçirilməsinin əsas məqsədi məqalələrin zənginləşdirilməsini və yaradılmasını təmin etməkdir.
Bölmənin digər xəbərləri
