Vladimir Putin “Akkuyu” AES-in birinci enerji blokunun açılışına videokonfrans rejimində qatılacaq
Moskva, 26 aprel, AZƏRTAC
Aprelin 27-də Rusiya Prezidenti Vladimir Putin Türkiyə lideri Rəcəb Tayyib Ərdoğanla birlikdə “Akkuyu” AES-in birinci enerji blokuna nüvə yanacağının gətirilməsi mərasimində videokonfrans rejimində iştirak edəcək.
AZƏRTAC xəbər verir ki, bu barədə Kremlin mətbuat xidməti məlumat yayıb.
“Akkuyu” AES Türkiyənin Mersin əyalətində Rusiyanın “Rosatom” korporasiyası tərəfindən 2010-cu ildə imzalanmış hökumətlərarası sazişə əsasən inşa edilir. Ümumi dəyəri 20 milyard dollar olan layihə çərçivəsində hər biri 1200 MVt gücündə dörd enerji blokunun tikintisi nəzərdə tutulub.
Fəridə Abdullayeva
AZƏRTAC-ın xüsusi müxbiri
Moskva
Bölmənin digər xəbərləri
