Volqoqrad şəhərində qətlə yetirilmiş Azərbaycan vətəndaşının qatilinin tapılması üçün mükafat təyin edilib
Moskva, 15 iyun, AZƏRTAC
Rusiyanın Volqoqrad şəhərində qətlə yetirilmiş Azərbaycan vətəndaşının qatilinin tapılması üçün mükafat təyin edilib.
AZƏRTAC xəbər verir ki, Volqoqrad Dövlət Tibb Universitetində təhsil alan 17 yaşlı Azərbaycan vətəndaşı Timur Qavriilov qətlə yetirilib. Gəncin üzərində çoxsaylı bıçaq yaraları olan meyiti tapılıb. Hadisə ilə bağlı Rusiya Cinayət Məcəlləsinin “Qətl” maddəsi üzrə cinayət işi açılıb.
Cinayətin üstünün açılması üçün hüquq-mühafizə orqanlarında əməliyyat qərargahı yaradılıb. İstintaqın məlumatına görə, hadisə Timur Qavriilov yataqxanaya qayıdarkən baş verib. Hadisə yerində videokameralardan görüntülər götürülüb, mümkün şahidlər müəyyən edilir. Volqoqrad hakimiyyət orqanları qətlin açılmasında yardıma görə 1 milyon rubl məbləğində mükafat təyin ediblər.
Fəridə Abdullayeva
AZƏRTAC-ın xüsusi müxbiri
Moskva
Bölmənin digər xəbərləri
