“Volvo” təhlükəsizlik kəmərində yaranmış problem səbəbindən minlərlə avtomobili geri çağırır
Tallinn, 5 iyul, AZƏRTAC
Çinin “Geely” şirkətinə məxsus İsveçin “Volvo Cars” avtomobil konserni bütün ölkələrdən təxminən 2,2 milyon avtomobilin geri çağırıldığını açıqlayıb.
AZƏRTAC xəbər verir ki, bu, Estoniyada 4300-dən çox avtomobili əhatə edəcək.
Yaranmış problem ön oturacaqların təhlükəsizlik kəmərləri ilə birləşmiş polad trosla bağlıdır.
Bu tros müəyyən şəraitdə zamanla yırtılır və boşalır ki, bu da təhlükəsizlik kəmərinin qoruyucu funksiyasını azaldır.
Nasaz komponentin yenisi ilə əvəzlənməsi üçün bütün ölkələrdən 2,2 mln. avtomobil geri çağırılacaq. 2016-cı ildən 2019-cu ilədək istehsal olunmuş həmin avtomobillər “Volvo”-nun S60, V60, XC60, V70, XC70 və S80 modellərinə aiddir.
Asiman Əsədov
AZƏRTAC-ın xüsusi müxbiri
Tallinn
Bölmənin digər xəbərləri
