“Warner Bros.” və “Comcast” şirkətlərinin birləşməsi üzrə danışıqlar gedir
Bakı, 27 aprel, AZƏRTAC
“NBCUniversal”-ın başçısı Ceff Şellın qəfil istefası ilə bağlı jurnalist araşdırması prosesində bəzi olduqca maraqlı detallar ortaya çıxıb. AZƏRTAC “Kinonews” saytına istinadla xəbər verir ki, xüsusən, “Warner Bros. Discovery” və “Comcast” şirkətləri arasında onların strukturlarının mümkün birləşməsi barədə gedən danışıqlar ictimaiyyətə məlum olub.
Mənbələrin məlumatına görə Cef Şellın işdən azad olunması yeni korporasiyada hakimiyyət uğrunda mübarizə ilə də izah oluna bilər. "Bütün bunları Ceff və ya WBD-nin baş direktoru Devid Zaslavın idarə edəcəyi ilə bağlı sual ortaya çıxıb. Baş verənlər yolu açır, buna görə də cavab çox sadədir”, - deyə uzaqlaşdırılan top-menecerə yaxın naməlum mənbə izah edib.
“Warner Bros. Discovery” nümayəndələri bu məlumatlara hələ ki, münasibət bildirməyiblər, lakin şirkətin üzləşməli olduğu ciddi maliyyə problemləri gələcək satış və ya birləşmə barədə şayiələri təsdiq edə bilər.
Bölmənin digər xəbərləri
