Xaçmaz rayonunda köməkçi tikilidə yanğınla nəticələnən partlayış baş verib
Bakı, 11 dekabr, AZƏRTAC
Xaçmaz rayonunun Çiləgir kəndində ümumi sahəsi 20 kvadratmetr olan köməkçi tikilidə yanğınla nəticələnən partlayış baş verib.
AZƏRTAC Fövqəladə Hallar Nazirliyinin saytına istinadla xəbər verir ki, partlayış dalğasının təsirindən tikilinin pəncərəsi çərçivədən çıxıb. Yanğın nəticəsində tikilinin konstruksiyaları və içərisindəki əşyalar yanıb.
Hadisə zamanı xəsarət almış bir nəfər Təcili və Təxirəsalınmaz Tibbi Yardım tərəfindən xəstəxanaya aparılıb. Yaxınlıqdakı tikililər yanğından mühafizə olunub.
Alov yanğından mühafizə bölmələri tərəfindən söndürülüb.
Hadisə ilə əlaqədar müvafiq qurumlar tərəfindən təhqiqat aparılır.
Bölmənin digər xəbərləri
