Xankəndidə avtoxuliqanlıq edən şəxs həbs edilib

22.01.2026 [10:16]
Çap et
A⁺ A^-

Bakı, 22 yanvar, AZƏRTAC

Xankəndidə ictimai asayişi nümayişkaranə şəkildə pozan və bununla da vətəndaşların haqlı narazılığına səbəb olan sürücü polis əməkdaşları tərəfindən saxlanılıb.

Daxili İşlər Nazirliyinin mətbuat xidmətinin regional qrupundan AZƏRTAC-a verilən məlumata görə, Xankəndi şəhərində fərdi əməklə məşğul olan 40 yaşlı Elnur Süleymanov şəhər ərazisində idarə etdiyi “Chevrolet Camaro” markalı avtomobil ilə qarlı hava şəraitində yol hərəkəti qaydalarını kobud şəkildə pozmaqla təhlükəli manevrlər edərək avtoxuliqanlıq edib.

Elnur Süleymanov barəsində polis əməkdaşları tərəfindən protokol tərtib olunaraq baxılması üçün məhkəməyə göndərilib. Məhkəmənin qərarı ilə həmin şəxs sürücülük hüququndan 1 il müddətinə məhrum olmaqla 15 sutka həbs edilib.

Xankəndidə avtoxuliqanlıq edən şəxs həbs edilib

MÜƏLLİFLƏ ƏLAQƏ

Bölmənin digər xəbərləri