Xaricdə təhsil alan tələbələr dövlətimizin dəstəyini və qayğısını həmişə hiss edəcəklər
Bakı, 5 sentyabr (AZƏRTAC). Xaricdə təhsil alan tələbələr dövlətimizin dəstəyini və qayğısını həmişə hiss edəcəklər.Bu sözləri “Xaricdə Təhsil Alan və Məzun Olmuş Gənclərin Beynəlxalq Forumu” İctimai Birliyinin (ASAİF) Bakıda keçirilən XII Beynəlxalq Forumunun iştirakçısı, Təhsil Nazirliyinin xaricdə təhsil və əcnəbi tələbələrlə iş sektorunun müdiri Həsən Həsənli AZƏRTAC-a müsahibəsində deyib. Bildirib ki, gənclərimizin xaricdə təhsil alması Azərbaycan həqiqətlərinin dünyada təbliğ edilməsində çox böyük əhəmiyyətə malikdir.
H.Həsənli bu cür forumların keçirilməsinin müsbət cəhətlərindən biri kimi müxtəlif ölkələrdə təhsil alan gənclərin bir araya gələrək yeni tanışlıq və əlaqələrin qurulmasında mühüm rolunu qeyd edib. Eyni zamanda vurğulayıb ki, görüş ASAİF-in gələcək fəaliyyətinin daha mütəşəkkil və məqsədəuyğun şəkildə qurulmasında böyük rol oynayacaq.
Bölmənin digər xəbərləri
