XARİCİ İŞLƏR NAZİRLİYİNDƏ İXTİSASARTIRMA KURSU FƏALİYYƏTƏ BAŞLAMIŞDIR
Məşğələdən əvvəl nazir müavini Vaqif Sadıqov ixtisasartırma kursunun məqsədi barədə dinləyicilərə və kütləvi informasiya vasitələri nümayəndələrinə məlumat verərək bildirdi ki, bu ilin aprelində Nazirliyin tarixində ilk dəfə olaraq işə qəbul üçün test imtahanı keçirilmiş, müsabiqədə iştirak edən 500 nəfərdən yalnız 8-i lazımi bal toplayaraq işə qəbul edilmişdir. Kursun ilk dinləyiciləri də bu gənc diplomatlar olacaqdır. Nazirliyin yüksək rütbəli əməkdaşları, tanınmış alimlər və politoloqlar, dövlət rəsmiləri 5 ay müddətində kursda dövlət və beynəlxalq hüquq, diplomatiya tarixi, təcrübəsi, qanunvericilik bazası və digər mövzularda həftədə 3 gün cəmi 150 mühazirə oxuyacaq, hər 6-7 mühazirədən sonra seminarlar keçiriləcəkdir. Sonda məzunların bilikləri qiymətləndiriləcək, onlara sertifikatlar veriləcəkdir.
Bölmənin digər xəbərləri
