Xerson vilayətində subasması nəticəsində 13 nəfər itkin düşüb
Kiyev, 9 iyun, AZƏRTAC
Kaxovka Su Elektrik Stansiyasının bəndinin partladılması nəticəsində Xerson vilayətində subasması səbəbindən 13 nəfər itkin düşmüş hesab olunur.
Bu barədə AZƏRTAC Ukrayna Daxili İşlər Nazirliyinin mətbuat xidmətinə istinadla xəbər verir.
Xerson vilayətində 48 yaşayış məntəqəsini su basıb, onlardan 34-ü (3625 ev) Ukraynanın nəzarəti altında olan ərazidə, 14-ü müvəqqəti işğal olunmuş ərazidə yerləşir.
Daşqın səbəbi ilə dörd nəfər həlak olub, daha 11 nəfər təxliyə tədbirləri zamanı atışma nəticəsində travma alıb. Eyni zamanda, 13 nəfər itkin düşmüş hesab olunur. Vilayətdən 2412 nəfər təxliyə olunub.
Su Elektrik Stansiyasının partladılmasından sonra Nikolayev vilayətini də su basıb. Orada 23 yaşayış məntəqəsi su altında qalıb, bir nəfər həlak olub. 825 nəfər təxliyə olunub.
Emil Hüseynli
AZƏRTAC-ın xüsusi müxbiri
Kiyev
Bölmənin digər xəbərləri
