XƏZƏR EKOLOJİ PROQRAMI LAYİHƏLƏRİNİN HƏYATA KEÇİRİLMƏSİ MƏSƏLƏLƏRİ MÜZAKİRƏ EDİLMİŞDİR

05.08.2004 [23:23]
Çap et
A⁺ A^-

AZƏRTAC-ın Qazaxinform agentliyindən aldığı xəbərə görə, avqustun 5-də Astanada Qazaxıstan Kənd Təsərrüfatı Nazirliyinin Balıqçılıq təsərrüfatı komitəsində Xəzər ekoloji proqramının (XEP) gerçəkləşdirilməsi çərçivəsində “Xəzər balıqçılığının davamlı idarə edilməsi” layihəsi üzrə Avropa Birliyi ekspert qrupunun rəhbəri K.Metyusun və XEP-in rəhbəri X.Qaffarzadənin (İran) görüşləri keçirilmişdir.

Balıqçılığın regional idarə edilməsi, balıq ovunun yolverilən həcmini müəyyənləşdirmək metodologiyası, nərəkimilərin populyasiyasının modelləşdirilməsi, habelə layihələrin maliyyələşdirilməsi məsələləri müzakirə olunmuşdur.

Layihələr beş Xəzəryanı dövləti – Azərbaycan, Qazaxıstan, İran, Rusiya və Türkmənistanı əhatə edəcəkdir.

Xəzər ekoloji proqramı layihələrinin ümumi dəyəri təxminən 6,8 milyon avrodur.