Xəzər rayonunda evdən məişət əşyaları oğurlayan şəxs məsuliyyətə cəlb olunub
Bakı, 2 fevral, AZƏRTAC
Xəzər rayonunda evdən məişət əşyaları oğurlayan şəxs məsuliyyətə cəlb olunub.
Daxili İşlər Nazirliyinin mətbuat xidmətindən AZƏRTAC-a bildiriblər ki, rayon ərazisindəki evlərin birindən 4850 manat dəyərində məişət əşyaları, su mühərriki və avtomobil akkumulyatoru oğurlamaqda şübhəli bilinən Bakı şəhər sakini, əvvəllər məhkum olunmuş V.Qədəşov Xəzər Rayon Polis İdarəsinin 2-ci polis şöbəsinin əməkdaşlarının keçirdikləri əməliyyat-axtarış tədbirləri nəticəsində saxlanılıb.
Faktla bağlı Xəzər Rayon Polis İdarəsi tərəfindən araşdırma aparılır.
Bölmənin digər xəbərləri
