XƏZƏRYANI ÖLKƏLƏRİN ALİMLƏRİ OVLUQ BALIQ EHTİYATLARININ VƏZİYYƏTİNİ ÖYRƏNƏCƏKLƏR
Həştərxanda Xəzər ekoloji proqramı /XEP/çərçivəsində fəaliyyət göstərən “Balıq ehtiyatlarının və kommersiya baxımından əhəmiyətli olan digər bioloji ehtiyatların idarə edilməsi” tematik mərkəzinin təşəbbüsü ilə Ümumxəzər elmi ekspedisiyasi başlanmışdır.
Xep-in regional əlaqələndiricisi Bəxtiyar Muradov AZƏRTAC-ın müxbirinə bildirmişdir ki, alimlər 45 gün ərzində xüsusi gəmidə ənənəvi tədqiqat metodlarından, habelə Norveçin Bakıdakı səfirliyinin XEP-ə bağışladığı müasir avadanlıqdan istifadə edərək ovluq balıq ehtiyatlarının, ilk növbədə nərəkimilərin ehtiyatlarının vəziyyətini, balıqların bütün dəniz boyu yayılmasını müəyyənləşdirəcəklər. Ekspedisiyada Azərbaycan tərəfini “Azərbalıq” dövlət konserni yanında Balıqçılıq təsərrüfatı elmi tədqiqat institutunun aparıcı elmi əməkdaşı, biologiya elmləri doktoru Dadaş Rəhimov təmsil edir.
Ekspedisiyanın sonunda hərtərəfli təhlil aparılaraq, müvafiq hesabat hazırlanacaqdır.
Bölmənin digər xəbərləri
